Fáðu ríka sögu og dásamlegar náttúruperlur Vesturlands beint í æð í tveggja daga pakkaferð á frábæru tilboðsverði.

Dagur 1 - Ævintýraheimurinn Snæfellsnes:

Lagt er af stað frá Reykjavík kl. 10:00 og stoppað í hádegisverð í Geirabakarí í Borgarnesi. Dagurinn er svo nýttur í að aka um gullfallegt Snæfellsnesið og stoppað á vel völdum stöðum til að fræðast um sögu og jarðfræði staðanna. Meðal helstu áfangastaða fyrri daginn má nefna Arnarstapa, Hellna, Djúpalónssand og Grundarfjörð þar sem fjölbreytt náttúrufegurð, selir, hraun og hellar ber fyrir augu, að ónefndum stórstjörnunum Kirkjufelli og sjálfum Snæfellsjökli. Að nesinu loknu er haldið á Hótel Húsafell í glæsilegan þriggja rétta kvöldverð og gistingu.

Dagur 2 - Náttúruperlur og spennandi saga:

Brottför frá Hótel Húsafell er kl. 10:00 en seinni dagurinn sameinar náttúruperlur á borð við Hraunfossa og Deildartunguhver og fyrsta flokks söguupplifun í skemmtilegum og fræðandi sýningum á Snorrastofu og í Landnámssetrinu þar sem einnig er snæddur hádegisverður. Komið er aftur til Reykjavíkur milli kl. 16:00-17:00.

Hér sameinast frábær og fræðandi skemmtun þar sem allt er innifalið. Láttu okkur um að hugsa um aksturinn, gistinguna, matinn og leiðsögnina á meðan þú nýtur Vesturlands í góðra vina hópi á frábæru tilboðsverði.