Nú er rétti tíminn til að njóta þess allra besta sem Ísland hefur upp á að bjóða í tveggja daga pakkaferð um suðvesturhornið, sneisafullu af safaríkri sögu og dásamlegum náttúruperlum.

Dagur 1: Gullni hringurinn og Hótel Örk

Fyrri dagurinn er helgaður dásamlegum mat og dýrðlegum náttúruperlum á Suðurlandi. Hér er Gullni hringurinn tekinn með trompi en lagt er af stað frá Reykjavík kl. 10:00 og stoppað á Þingvöllum áður en haldið er til Friðheima í kynningu á starfseminni og hádegisverð hússins. Þaðan er farið á Gullfoss og Geysi en deginum lýkur á Hótel Örk í Hveragerði með glæsilegum þriggja rétta kvöldverði og gistingu.

Dagur 2: Hinn magnaði Reykjanesskagi

Brottför frá Hótel Örk er kl. 10:00 en seinni daginn er haldið út á Reykjanesskaga sem hefur að geyma einhverjar best földu náttúruperlur landsins. Má þar helst nefna kynngimagnaða Strandarkirkju, einstaka náttúrufegurð við Krýsuvík og ægifagurt Hópsnesið ásamt klassískum viðkomustöðum eins og Gunnuhver, Reykjanesvita og hinni sívinsælu Brú milli heimsálfa áður en haldið er aftur til höfuðborgarinnar. Komið er aftur til Reykjavíkur milli kl. 16:00-17:00.

Hér sameinast frábær og fræðandi skemmtun þar sem allt er innifalið. Láttu okkur um að hugsa um aksturinn, gistinguna, matinn og leiðsögnina á meðan þú nýtur suðvesturhornsins í góðra vina hópi á frábæru tilboðsverði.